Utilization of Primary Healthcare Centers in the Capital Area

Heilsugæslustöðvar gegna mikilvægu hlutverki á Íslandi. Þær eru grunnstoðir heilbrigðisþjónustu í landinu. Landfræðingar rannsaka gjarnan hvort munur er á notkun heilsugæsluþjónustu eftir búsetu í dreifbýli eða þéttbýli eða innan þéttbýlisstaða. Í þessu verkefni er skoðað hvort að munur er á notkun heilsugæslu innan höfuðborgarsvæðisins. Gögn úr Samskiptaskrá heilsugæslustöðva frá Embætti landlæknis voru tengd við upplýsingar um umfang starfsemi heilsugæslustöðva frá Heilsugæslu höfðaborgarsvæðisins, til dæmis fjölda stöðugilda og fjölda einstaklinga sem eru skráðir á hverja heilsugæslustöð. Einnig voru upptökusvæði heilsugæslustöðva á höfuðborgarsvæðinu skilgreind og íbúafjöldi þeirra fundinn. Til að draga úr áhrifum aldurs voru gögn um tíðni viðtala við lækna á tíu heilsugæslustöðvum á höfuðborgarsvæðinu aldursstöðluð. Starfsemi heilsugæslustöðva var greind út frá fjölda þeirra sem notuðu þjónustu þeirra, fjölda viðtala við lækna og fjölda lækna sem veittu þjónusta. Í ljós kom að mikilvægt er að aldursstaðla tölur ef skoða á þá sjúkdóma sem leggjast meira ákveðin aldur en ekki jafn mikilvægt ef skoða á notkun heilsugæslustöðva almennt þar sem notkunin er mjög almenn og nær yfir allan aldur. Niðurstaða verkefnisins er að heilsugæslustöðvar og upptökusvæði þeirra á höfuðborgarsvæðinu eru mismunandi. Umtalsverður munur er fjölda íbúa á upptökusvæði heilsugæslustöðva, fjöld þeirra sem skráðir eru á heilsugæslustöð, fjölda stöðugilda lækna á heilsugæslustöð og aldursstaðlaðri tíðni viðtala við lækna