Frjálslynd guðfræði á Íslandi – Upphafsmenn og arftakar

Ritgerð þessi fjallar um sögu frjálslyndu guðfræðinnar á Íslandi. Varpað verður ljósi á þróun stefnunnar allt frá upphafsmönnum hennar sem komu fram á síðari hluta 19. aldar og þar til áhrif stefnunnar tóku að fjara út innan prestastéttarinnar rúmri öld síðar. Við umfjöllunina verður helstu fylgjendum frjálslyndu guðfræðinnar hér á landi skipt í þrjár kynslóðir. Í hverri kynslóð verða teknir fyrir tveir til fjórir guðfræðingar og verða guðfræðihugmyndir þeirra hafðar að leiðarljósi. Þannig verður leitast við að sýna fram á hvernig hugmyndafræði stefnunnar þróaðist samhliða breyttri heimsmynd. Auk þess verður kastað ljósi á hvað hafi orðið til þess að frjálslynda guðfræðin náði jafn góðri stöðu innan þjóðkirkjunnar og raun bar vitni