Einhverfa : snemmtæk íhlutun og greiningarferli.

Þegar barn þroskast ekki eins og önnur börn vakna oft spurningar hjá þeim sem annast það um hvort athuga þurfi hvort eitthvað sé að. Við tekur oft langt ferli áður en lokagreining liggur fyrir. Hér er leitað svara við því hvað einhverfa er, hvort snemmtæk íhlutun skipti máli, hvernig greiningarferlið er og hvaða aðferðir eru helst notaðar til að kenna einhverfum börnum í leikskólum. Helstu niðurstöður eru þær að einhverfa er röskun á taugaþroska og þeir sem greinast eru staðsettir á einhverfurófi, allt eftir því hversu alvarleg skerðingin er. Það sem mestu máli skiptir í greiningarferli einhverfu er að hún sé uppgötvuð snemma og byrjað sé að vinna með barnið um leið og frumgreining hefur farið fram. Einnig er mikilvægt að góð samvinna sé á milli foreldra og þeirra fagaðila sem koma að barninu. Algengustu aðferðirnar, sem notaðar eru í vinnu með einhverfum börnum í leikskólum á Íslandi, eru atferlistmeðferð og TEACCH og hafa báðar þessar aðferðir gefist mjög vel