Samanburður á hreinni eign lífeyrissjóða miðað við fjárfestingu eftir eignasamsetningu árið 2000

Eftir hrun á fjármálamörkuðum í október 2008 hafa lífeyrissjóðir sætt mikilli gagnrýni vegna fjárfestinga og fjárfestingastefnu sjóðanna fyrir hrun. Í ritgerðinni er fjallað um starfsemi og starfsumhverfi íslenskra lífeyrissjóða en megináhersla er lögð á fjárfestingarheimildir, mótun fjárfestingarstefnu og þróun eignasamsetningar lífeyrissjóðanna. Einnig er sett upp rannsóknarmódel þar sem leitast er við að varpa ljósi á hver hrein eign til greiðslu lífeyris hefði orðið í árslok 2008. Módelinu er stillt þannig upp að ekki er um virka stýringu að ræða eða gert ráð fyrir að stjórn hefði mótað aðra fjárfestingarstefnu á tímabilinu. Því var fjárfest allan tímann samkvæmt þeirri eignasamsetningu sem var í árslok 2000 og niðurstaða fengin um hver hrein eign til greiðslu lífeyris hefði verið miðað við þá fjárfestingarstefnu