Byggt á svæðum : að má út mörkin

Rót hugmynda er staðsett í miðju og frá henni spretta lauf úr öllum útgangspunktum líkamans. Þungamiðja allra minnstu einda og hvernig við tengjum þær nærliggjandi efni voru hugfanginn meðan skriftir þessa rits fóru fram. Ritið gerir tilraun til að staðsetja huglægar greinar frá stöðum innávið og tekur dæmi hvernig ferlið og skapandi viðhorf getur af sér myndgerðar tilfinningar út á við. Rót fræðilega kaflans má finna í bók Gilles Deleuze og Félix Guattari, A Thousand Plateus. Hún er ermin sem hinir þættir ritgerðarinnar liggja á. Arthur Schopenhauer, Joseph Kosuth, Sonic Youth og Tony Oursler eru meðal þeirra, sem beint eða óbeint, tengjast þessum línulaga hugsunarhætti og ferðalaginu á milli svæða í leit að snertiflötum. Ritgerðin heimsækir öll viðfangsefni sín án þess að stoppa of lengi, undirritaður hefur of leitandi hugsjón. Hann sogast ekki niður í heim fræðinnar heldur kýs að teygja sig í fleiri áttir í von um víðari samsuðu. Ef tekið er tillit til þeirra fjölda viðfangsefna, verður markmið ritsins að þurrka út mörkin milli þeirra með ýmsum snertiflötum. Líkt og heimspekin, byggir ritið að mörgu leyti á stöðugu hugsunarflæði sem leiðir ekki beint að niðurstöðu heldur er það persónubundið hversu vel lesandi tengir sig við flæðið. Hlutverk heimspeki, tónlistar og myndlistar eru ekki að skapa ný gildi fyrir þá sem ánetjast þeim, heldur eru þær bornar fram sem tilgátur að umfangsefninu hversu sinni, hvort sem áhorfandi sé sammála eða ósammála. Frá daglegu amstri til holdgerðra afurða er vítt ferli sem stöðugt uppgötvar, tengir, meltir, brýtur upp og býr til sín eigin svæði