Friðhelgi einkalífs barna. Samrýmist sjálfkrafa skráning barns í trúfélag eða lífsskoðunarfélag barnarétti?

Samkvæmt 63. gr. stjórnarskrár lýðveldisins Íslands nr. 33/1944 eiga allir rétt á að iðka trú sína í samræmi við sannfæringu hvers og eins. Samkvæmt þessu ákvæði eiga allir að hafa trúfrelsi og falla börn einnig þar undir en talið hefur verið nauðsynlegt að tryggja þeim ennfremur sérstök réttindi. Börn eiga rétt á trúfrelsi samkvæmt 14. gr. samnings Sameinuðu þjóðanna um réttindi barnsins sem hefur lagagildi hér á landi, sbr. lög nr. 19/2013. Í þessari ritgerð verður leitast við að kanna hvort löggjöfin hér á landi uppfylli rétt barns til trúfrelsis, einkum hvort að sjálfkrafa skráning þess í trúfélag eða lífsskoðunarfélag eða skráning utan þeirra við fæðingu, sbr. 2. mgr. 8. gr. laga nr. 108/1999 um skráð trúfélög og lífsskoðunarfélög, samrýmist þessum rétti