Hvernig er háttað undirbúningi starfsmanna útrásarfyrirtækja og fjölskyldna þeirra fyrir dvöl erlendis?

Þar sem útrás er orðin nokkuð stór þáttur í viðskiptalífi íslenskra fyrirtækja er mikilvægt að huga betur að þeirri þjálfun og fræðslu sem starfsmenn og fjölskyldur þeirra fá þegar þeir eru sendir til að starfa og búa erlendis. Mikilvægt er að vera meðvitaður um menningarlegan mismun á löndunum og vera kunnugur algengustu menningarárekstrunum. Árekstranna gætir oft í sambandi við tungumál, trúarbrögð, venjur og siði. Þegar velja á starfsmann er að mörgu að hyggja, og er æskilegt að starfsmaðurinn hafi yfir að ráða þáttum eins og mannlegum samskiptum, miklu sjálfstrausti og tungumálahæfileikum. Það skiptir miklu máli að vanda valið vel því mikill kostnaður liggur í þessum verkefnum, því mistök starfsmannsins í alþjóðlegu verkefni getur kostað fyrirtækið mikið, bæði hvað varðar í mannlegum samskiptum auk viðskiptatækifærum. Vandlegur undirbúningur og þjálfun fyrir starf erlendis getur verið skynsamleg fjárfesting. Þjálfunaraðferðir eru nokkrar samkvæmt fræðunum og byggja þær bæði á að þjálfa starfsmanninn í að starfa erlendis og hvernig skal takast á við hina ýmsu menningarárekstra. Til þess að starfsmaðurinn nái sem mestum árangri í starfi er þjálfun talin æskileg. Mikilvægt er að þjálfa og fræða bæði makann og fjölskylduna svo þau geti aðlagast. Áhrif menningaráfalls yrði að öllum líkindum minni og minni líkur á því að fólkið einangrist sem getur valdið því að bæði starfsmaðurinn og fjölskyldan flytur heim á ný löngu áður en ráðningatíma lýkur. Fyrirtækin sem tóku þátt í þessari rannsókn voru fimm talsins og öll eru þau í útrás. Öll voru þau sammála um mikilvægi þjálfunar og fræðslu en höfðu ekki náð að tileinka sér það í miklu mæli. Útrás er alltaf að aukast og vonandi mun meiri þjálfun og fræðsla fylgja í kjölfarið. • Menningarmunur • Menningaráfall • Einangrun • Árangur í starfi • Aðlögu