Greinagerð með handbók um vinahóp : hópastarf með unglingum sem standa höllum fæti félagslega

Lokaverkefnið mitt er tvíþætt, annars vegar er um að ræða handbók um vinahóp og hins vegar greinagerð. Vinahópur Gufunesbæjar og Miðgarðs er ákveðið hópastarf þar sem tilgangurinn er að ná til unglinga sem standa höllum fæti félagslega. Þessir unglingar eru oft hlédrægir og vinafáir. Tilgangurinn með hópastarfinu er að vinna að því að efla sjálfstraust þeirra og félagsfærni. Unglingar hafa ríka þörf fyrir það að vera samþykktir af vinum og af jafningjahópnum í kringum sig. Þeir unglingar sem eru samþykktir af hópnum líður vel, en ef þeir eru útilokaðir getur það valdið miklum áhyggjum og kvíða. Markmið mitt með gerð þessarar handbókar um vinahóp er að taka saman þær upplýsingar sem til eru um starfsemi vinahópa og setja á einn stað. Upplýsingar þessar hef ég nálgast úr fræðibókum en oft eru upplýsingar um þessi störf geymd í kollinum á þeim sem undanfarið hafa haft umsjón með hópastarfinu. Ég vona að þessi handbók eigi eftir að nýtast sem nokkurs konar „uppskrift” að hópastarfi fyrir unglinga sem standa höllum fæti félagslega