Mikilvægi hreyfingar fyrir andlega vellíðan unglinga

Þessi ritgerð er lokaverkefni til BA-gráðu í tómstunda- og félagsmálafræði við Háskóla Íslands. Ritgerðin er byggð á fræðilegum heimildum. Höfundur vildi vekja athygli á mikilvægi andlegrar vellíðunar hjá unglingum, hvaða áhættuþættir eru í lífi unglinga og hvernig þeir geta haft áhrif á andlega vellíðan unglinga og hversu mikilvæg hreyfing er fyrir andlega vellíðan unglinga. Hugtökin tómstundir, líkamleg hreyfing og tómstundamenntun verða útskýrð. Þær rannsóknir sem skoðaðar voru sýndu fram á að hægt sé að nota hreyfingu sem part af meðferðarúrræði en flest bendir til þess að ekki sé hægt að nota hreyfingu sem einu meðferðina. Lítið var að finna um rannsóknir á tengslum hreyfingar og kvíða eða hreyfingar og félagsfælni en það sem kom í ljós studdi það að hreyfing hefur jákvæð áhrif á bæði kvíða og félagsfælni. Niðurstöðurnar sem komu í ljós eiga samt sem áður að hvetja alla ekki bara unglinga til að hreyfa sig meira. Sannað hefur verið að hreyfing þótt hún sé lítil auki vellíðan hjá einstaklingum