Feður og skólastarf : hver er hlutdeild feðra í skólastarfi barna sinna?

Viðfangsefni þessarar ritgerðar er að kanna hlutdeild feðra í skólastarfi barna sinna. Tekin voru viðtöl við þrjá feður. Feðurnir sem rætt var við voru á misjöfnum aldri með misjafna menntun og áttu þeir 2-4 börn. Niðurstöðurnar sýna að þessir feður hafa mikinn áhuga á námi barna sinna, þeir gera sér grein fyrir mikilvægi sínu og mikilvægi þess að eiga í góðu samstarfi við kennarana. Að ákveðnu leiti skiptast feðurnir á við mæðurnar að sinna námi barna sinna. Að hluta er það vinnutengt en að hluta vegna ákveðnar verkaskiptingar milli hjóna. Til þess að fá gleggri mynd af hlutdeild feðra í skólastarfi barna sinna var framkvæmd könnun á þátttöku þeirra í foreldraviðtölum. Könnunin var gerð í viðtölum á annaskilum í grunnskóla úti á landi og merktu umsjónakennarar við fjölda þeirra foreldra sem komu með börnum sínum í viðtölin. Merkt var við hvort móðir kom ein, faðir kom einn eða bæði móðir og faðir komu með barni sínu. Þessi könnun sýnir að mæður eru í flestum tilvikum þær sem sinna því verki að fara með barni sínu í viðtal í skólanum. Feður mæta í sumum tilvikum líka en eru þá oftast með móðurinni líka