Heildstæður stuðningur við jákvæða hegðun. Grunnlínu- og inngripsmælingar á miðstigi í þremur grunnskólum í Reykjanesbæ

Heildstæður stuðningur við jákvæða hegðun (Positive Behavior Support; PBS) er kerfi fyrir skóla sem stuðlar að æskilegri hegðun og fyrirbyggir hegðunarvandamál. Fræðilegur grunnur á bakvið kerfið liggur fyrst og fremst í atferlisgreiningu og hafa fræðimenn í Háskólanum í Oregon unnið að þróun kerfisins og rannsóknum á því. Hér á Íslandi hafa margir skólar tekið upp kerfið og fjallar þessi ritgerð um rannsókn á áhrif PBS á hegðun barna og starfsfólks á miðstigi í þremur grunnskólum í Reykjanesbæ. Rannsóknin var gerð með beinu áhorfi og er það í fyrsta skipti, svo vitað sé til, sem rannsókn mælir árangur PBS kerfisins á þann hátt. Rannsóknin er langtíma og hér eru kynntar niðurstöður úr þriðju grunnlínumælingu til þessa og fyrstu inngripsmælingum í tveimur skólum. Fyrstu niðurstöður sýna að óæskileg hegðun hefur minnkað og þá sérstaklega á almennum svæðum. Einnig hafa röng viðbrögð starfsmanna minnkað, eins og neikvæð fyrirmæli, óviðeigandi hegning og óviðeigandi hunsun