Rýnt í störf þroskaþjálfa á Íslandi : rannsókn á starfsháttum þroskaþjálfa og viðhorfum þeirra til starfsins

Þessi ritgerð er lokaverkefni til BA gráðu í þroskaþjálfafræðum unnin af Erlu Snædísi Sveinbjörnsdóttir og Ólöfu Margréti Magnúsdóttir vorið 2016. Gerð var megindleg rannsókn þar sem lagt var upp með rannsóknarspurningina: Við hvað starfa þroskaþjálfar á Íslandi og hver eru viðhorf þeirra til starfsins?. Skoðuð voru þau störf sem þroskaþjálfar fást við á Íslandi og sú hugmyndafræðið sem þeir starfa eftir. Einnig var rýnt í áherslu mun milli starfa á ýmsum þáttum s.s í dagsdaglegu starfi, starfsháttum og aldursdreifingu þjónustunotenda. Auk þess voru viðhorf þeirra til starfs síns skoðuð, eins og starfsánægja, helstu áskoranir/hindranir í starfi og hvort þeir telji menntun sín vera metin í starfi. Fyrri rannsóknir sýna að þroskaþjálfar starfa á ýmsum starfsvettvöngum en enginn einn rannsókn útlista öll þeirra störf. Fengin var aðstoð frá þroskaþjálfafélagi Íslands við gerð spurningalistans sem sendur var svo í tölvupósti á alla félagsmenn í þroskaþjálfafélagi Íslands, alls svöruðu 193 þroskaþjálfar. Niðurstöður sýndu að þroskaþjálfar starfa á ýmsum starfsvettvöngum en alls voru taldir upp 24 ólíkir vettvangar. Algengast var að þátttakendur störfuðu í leik – og grunnskólum og á heimilum fatlaðs fólks