Túbalínía

Markmið bókarinnar er að vekja börn á yngsta stigi grunnskóla til umhugsunar um það hversu mikils virði vináttan er. Með lestri bókarinnar ættu börn að geta gert sér grein fyrir því að það er betra að eiga vini til að leika sér við heldur en hluti til að leika sér með. Greinargerðin fjallar um bókina Túbalínía og það vinnuferli sem fylgdi gerð hennar. Þá má einnig finna kafla um uppbyggingu barnabóka og myndskreytingar þeirra, en mikilvægt er að myndir og texti spili vel saman. Farið er stuttlega yfir sögu myndskreytinga á Íslandi og fáeinum íslenskum listamönnum gerð skil. Gert er grein fyrir mikilvægi þess að vandað sé til verka við gerð barnabóka vegna þess hversu mikilvægar barnabókmenntir eru í raun og veru fyrir þroska barnanna okkar