EFQM árangurslíkan

Ritgerðin er 30 ECTS einingar og er unnin í meistaranámi í stjórnun og stefnumótun við Viðskiptafræðideild Háskóla Íslands. Leiðbeinandi er Ársæll Valfells M.Sc., lektor við Viðskiptafræðideild Háskóla Íslands. Í ritgerðinni er tekið fyrir EFQM árangurslíkanið. Markmiðið er að skoða hvort fyrirtæki geti nýtt sér EFQM líkanið og unnið sjálfsmat innan smærri eininga, jafnvel og verið er að gera fyrir fyrirtækið í heild. Einnig að skoða hvaða aðferð hentar best við matið en hægt er að velja um ýmsar aðferðir. Blandaðri aðferð var beitt við rannsóknina, þar sem hún var bæði í formi spurningakönnunnar og unnið sjálfsmat með vinnufundi. Í könnunnin var verið að skoða alla fimm framkvæmdaþætti EFQM líkansins sem eru 1 Forysta, 2 Stefnumörkun, 3 Starfsmenn, 4 Samstarf og auðlindir og 5 Ferli, vörur og þjónusta. Á vinnufundinum var eingöngu tekin fyrir einn af framkvæmdaþáttunum fimm, þriðji þátturinn, 3.Starfsmenn. Leitast var við að svara tveim rannsóknarspurningum: 1. Hentar EFQM líkanið jafnvel í einingum eins og fyrir heildarsjálfsmat fyrirtækis 2. Hvaða sjálfsmatsaðferðir henta best í einingum innan fyrirtækja. Megin niðurstöður voru að EFQM líkanið hentar vel í einingum. Af þeim fjórum sjálsmatsaðferðum sem eru algengastar var ákveðið að prófa tvær, könnun og vinnufund, og virðast þær báðar geta hentað. Könnunaraðferðin er nokkuð fljótvirk, einföld og víðtæk aðferð sem dregur fram viðhorf margra. Hins vegar býður vinnufundaaðferðin upp á annars konar nálgun sem í ákveðnum aðstæðum getur hentað betur. Í henni geta umræður gefið niðurstöður um styrkleika og það sem betur má fara í starfseminni sem ekki koma fram í könnun. Hinar tvær aðferðirnar, matsblaðaaðferðin og skýrsluaðferðin, gætu einnig hentað en hafa ekki verið prófaðar