Viðskiptaáætlun fyrir 3D penna

Í ritgerð þessari verður gerð viðskiptaáætlun fyrir rekstur fyrirtækis með það markmið að hefja sölu á 3D prentandi penna og plasti á Íslandi. Við gerð verkefnisins studdist höfundur við leiðbeiningar frá Nýsköpunarmiðstöð Íslands um gerð viðskiptaáætlana. 3D markaðurinn er áhugaverður og fer vaxandi eins og sýnt verður með markaðsrannsókninni og markaðsáætluninni. Vörurnar sem fyrirtækið stefnir á að selja eru þekktar erlendis og hafa notið þó nokkurra vinsælda. Höfundur vill nýta tækifærið og vera fyrstur á markaðinn hérlendis. Hann ætlar að vera með markaðsstefnu sem er leiðandi í verðlækkunum miðað við þá sem panta af vefsíðum erlendis frá. Viðskiptaáætlunin snýst fyrst og fremst um að komast að því hvort að hugmyndin sé arðbær. Viðskiptaáætlunin inniheldur lýsingu á viðskiptahugmyndinni, greiningu á markaðnum, markaðsáætlun og í lokin eru ýmsar rekstaráætlanir. Við gerð áætlunarinnar var gerð rannsókn um áhuga og verð sem 200 manns tóku þátt í, það voru einnig notuð eftirfarandi greiningartól: samkeppnisgreiningartól Porters við greiningu á samkeppni, fjögur P við markaðsáætlunina og að lokum SVÓT greining til þess að skilgreina betur niðurstöðurnar. Helstu tölulegar niðurstöður sem komu út frá framkvæmd á söluáætluninni og á rekstraráætluninni sýna fjárhagsupplýsingar um næstu fjögur árin (2018-2021). Niðurstöðurnar sýndu að tap myndi verða fyrstu tvö árin en svo myndi verða hagnaður árið 2020. Það er venjulegt að fyrirtæki skili ekki hagnaði fyrr en eftir þrjú ár og að fyrirtækið skili hagnaði á þriðja ári er vísir að arðbærari framtíð