Hópfimleikahandbók fyrir þjálfara og iðkendur á afreksstigi

Viðfangsefni þessa verkefnis er að útbúa leiðbeiningar fyrir þjálfara og iðkendur á afreksstigi í hópfimleikum og er ritgerðin skrifuð sem leiðarvísir fyrir þjálfara varðandi keppnis- og dómarareglur í hópfimleikum. Fræðilegur og fyrri hluti verkefnisins fjallar um upphaf og þróun fimleika ásamt helstu grunnþáttum íþróttarinnar. Fjallað er um hreyfiþroska einstaklinga, mikilvægi næringarefna hjá íþróttamönnum og hvernig endurgjöf þjálfara getur skipt máli. Í lok fræðilega hlutans fjallar höfundur um markmiðasetningu og hvernig skynmyndaþjálfun og sjálfstal getur haft áhrif á frammistöðu íþróttamanna. Jafnframt fjallar hann um frammistöðu íþróttamanna og mikilvægi ársskipulags og áætlanagerðar í þjálfun og að lokum mun höfundur fjalla stuttlega um mikilvægi þess að skipuleggja árið. Seinni hluti verkefnis er fimleikahandbók þar sem helstu keppnis- og dómarareglur í hópfimleikum eru settar fram. Ásamt reglunum eru útskýringar á helstu grunntækniæfingum sem iðkendur á afreksstigi í hópfimleikum eiga að geta framkvæmt án hindrana. Í viðauka er hægt að skoða tákn og gildi æfinga sem iðkendur framkvæma og dómarar nota þegar verið er að dæma á fimleikamótum. Í lok handbókar er hægt að sjá hvernig staðlað form gildisblaða/stökklista lítur út. Allir þjálfarar þurfa að skila inn slíku gildisblaði til dómara áður en keppni hefst