Vímuefnavandi foreldra

Í þessari ritgerð er áætlað að varpa ljósi á vímuefnavanda foreldra og hvernig sá vandi hefur áhrif á börn og mótun velferðar þeirra. Fjallað verður um vímuefni, vímuefnasýki, fjölskyldu, foreldrahlutverk, opinberar stofnanir og réttindi barna. Skoðaðar voru rannsóknir og töluleg gögn sem draga upp ágætis mynd af hversu stór og viðamikill vímuefnavandi foreldra er. Niðurstöður rannsókna benda til þess að börn vímuefnasjúkra eru líklegri en önnur börn til að verða fyrir vanrækslu. Einnig benda rannsóknir til þess að börn vímuefnasjúkra haldi leynd utan um „fjölskylduleyndarmálið“ sem gerir öðrum erfiðara að átta sig á þeim aðstæðum sem að börn geta verið í. Einbeitingarskortur, árásargirni, hvatvísi, þunglyndi, streita og kvíði eru allt einkenni sem rannsóknir hafa sýnt fram á að börn vímuefnasjúkra glími gjarnan við. Helstu niðurstöður þessarar ritgerðar eru að börn vímuefnasjúkra foreldra verða fyrir vanrækslu í miklum mæli. Opinber gögn og rannsóknir sýna fram á að vímuefnavandi foreldra er stórt áhyggjuefni fyrir velferð barna sem alast upp við vandann. Sá vandi sem að fjölskyldur vímuefnasjúkra búa við er mjög fjölþættur og nauðsynlegt er að notast við heildræna nálgun þegar börn eiga í hlut