Námsefni í raunvísindum fyrir elstu börn leikskólans

Í þessu verkefni höfum við sett fram þrettán kennsluhugmyndir fyrir elstu börn leikskólans. Megin viðfangsefni eru náttúrufræði, stærðfræði og eðlisfræði en við teljum að þörf sé á að samþætta þessa námsgreinar meira inn í daglegt starf leikskólans. Við leggjum fram verkefnin með þeirri hugmyndafræði að það séu börnin sjálf sem leita svara við þeim spurningum sem gætu komið upp. Hlutverk kennarans í verkefnunum er að styðja við leitarnám barnsins og skapa gott námsumhverfi. Í verkefnunum er að finna ítarlega lýsingu á hvernig þau eru uppbyggð, hvaða efnivið þarf, markmið og hugmyndir að bókum og vefsíðum sem hægt er að nýta sem ítarefni eða kveikjur í verkefnunum. Mat kennarans er einnig mikilvægur hluti af verkefninu og leggjum við fram nokkra punkta fyrir hann til að hugleiða og meta verkefnið