Málsmeðferð við breytingu á skipulagi. Hvenær telst breyting á deiliskipulagi vera óveruleg skv. 2. mgr. 43. gr. skipulagslaga nr. 123/2010?

Í þessari ritgerð verður skrifað um málsmeðferð við breytingu á skipulagáætlunum sveitarfélaga, þ.e. svæðisskipulag, aðalskipulag og deiliskipulag, og þá sérstaklega hver mörk þess eru að deiliskipulagsbreyting teljist vera óveruleg skv. 2. mgr. 43. gr. skipulagslaga nr. 123/2010, hér eftir skipulagslög. Ástæður þess að breytingar á deiliskipulagi eru teknar sérstaklega fyrir eru meðal annars þær að sú tegund skipulagsáætlunar er annars eðlis en svæðis- og aðalskipulag. Þær taka til mun sértækari hagsmuna og almennt skerða eða bæta lögvarða hagsmuni einstaklinga. Þá flokkast þær einnig sem stjórnvaldsákvarðanir og verður í tengslum við það skoðað hvort þær auknu skyldur sem því fylgir séu uppfylltar af hálfu sveitarstjórna og/eða í löggjöf. Aukinheldur eru breytingar á deiliskipulagi töluvert algengari en breytingar á öðrum skipulagsáætlunum