Markaðsgreining á fæðubótarmarkaðnum á Íslandi

Síðastliðinn áratug hefur neysla almennings á fæðubótarefnum sem hjálpa eiga íþróttar- og líkamsræktarfólki stóraukist hér á landi og verslanir sem sérhæfa sig í sölu fæðubótarefna af því tagi hafa fjölgað gífurlega. Ástæðan er ekki síst sú að undanfarin ár hefur verið aukin heilsuvitund meðal Íslendinga og sífellt fleiri farnir að stunda reglulega líkamsrækt, íþróttir eða annars konar hreyfingu. Fólk virðist telja fæðubótarefni mikilvægan þátt til að ná árangri í sinni hreyfingu og í átt að betri heilsu. Fæðubótarefni er mjög umdeildur vöruflokkur, þó sér í lagi þau fæðubótarefni sem ætluð er að bæta árangur íþrótta- og líkamsræktarfólks. Markmið þessarar ritgerðar er að greina fæðubótarmarkaðinn á Íslandi. Einnig er markmiðið að komast að því hvað einkennir neytendur á markaðnum. Fæðubótarefni eru útskýrð og farið er yfir sögu og þróun fæðubótarmarkaðarins. Að auki er rýnt í aukna heilsuvitund Íslendinga síðastliðin ár og deilur sem fylgt hafa markaðnum frá upphafi hans. Framkvæmd var markaðsrannsókn dagana 5-17. apríl 2011 til að svara rannsóknarspurningunni: „Hvaða fæðubótarverslanir hafa mestu markaðshlutdeild og hvað einkennir neytendur fæðubótarmarkaðarins með tilliti til þarfa, tilgangs með notkun, mats á gagnsemi, eyðslu og vinsælda mismunandi fæðubótarefna?“. Settur var saman spurningalisti sem sendur var út með tölvupósti til allra nemenda Háskóla Íslands og í gegnum samskiptasíðuna Facebook. Markaðsgreining var svo framkvæmd þar sem fjær umhverfi markaðarins var greint með PEST-greiningu og helstu áhrifaþættir nær umhverfisins teknir saman með TASK-greiningu. Notast var við niðurstöður markaðsrannsóknarinnar við hluta TASK-greiningarinnar