Mæling á þroska áhættustýringar Icelandair Group

Miklar þróanir hafa átt sér stað á síðastliðnum áratugum í áhættustýringu. Leitast hefur verið eftir alhliða nálgun á áhættustýringu sem inniheldur breiðan sjóndeildarhring á þeim áhættum sem fyrirtæki geta staðið frammi fyrir. Þeir rammar (e. frameworks) eða fyrirmyndir sem hafa náð hvað mestum vinsældum á síðustu árum eru annarsvegar hinn alþjóðlegi staðall um áhættustjórnun ISO 31000 sem kom út árið 2009 og hinsvegar áhættustjórnun fyrirtækja eftir bandarísku stofnunina The Committee of Sponsoring Organizations of the Treadway Commission (COSO) sem kom út árið 2004. Mikilvægt er fyrir fyrirtæki að fylgjast náið með þróun sem á sér stað á þessum vettvangi til að vera samkeppnishæf og mynda sér forskot. Fyrirtæki sem hyggjast fara í umbætur á áhættustýringu eru í betri stöðu gætu þau staðsett þroskastig sitt sem og getu sína að stjórna áhættum ætli þau sér að halda áframhaldandi uppbyggingu. Markmið verkefnisins var að mæla þroskastig áhættustýringar Icelandair Group og fjalla um þróanir í áhættustýringu. Raunhæfar tillögur voru lagðar fram um hvernig bæta mætti aðkomu fyrirtækisins að áhættustýringu