Ytra valdframsal. Skýrleiki lagaheimilda vegna ytra valdframsals.

Ritgerðin fjallar um skýrleika lagaheimilda vegna ytra valdframsals. Þá sérstaklega hvort munur sé á kröfum til skýrleika þeirra eftir því hvort um er að ræða ytra valdframsal innan stjórnsýslunnar eða ytra valdframsal út fyrir hana. Svo ytra valdframsal sé heimilt þarf að meginreglu til skýra lagaheimild. Í þessari ritgerð var skoðað hvaða kröfur séu gerðar til skýrleika lagaheimildanna, þá sérstaklega hvort munur sé á milli skýrleikakröfunnar eftir því hvort um er að ræða lagaheimild vegna ytra valdframsals til lægra setts stjórnvalds eða lagaheimild vegna ytra valdframsals til einkaaðila. Fyrst er fjallað um það hvað ytra valdframsal er og hver tilgangur þess sé. Næst er fjallað um mismunandi tegundir ytra valdframsals og að lokum er fjallað um skýrleikakröfur til lagaheimilda vegna ytra valdframsalsins. Í þeim kafla er fyrst farið yfir út frá hvaða lögskýringarsjónarmiðum skýrleikakröfurnar verða skoðaðar, næst var fjallað um lögmætisreglu stjórnsýsluréttar. Þar á eftir var fjallað um dóma og álit er varða skýrleikakröfur, fyrst til lagaheimilda vegna ytra valdframsals til lægra setts stjórnvalds, því næst vegna lagaheimilda vegna ytra valdframsals til einkaaðila þar til í lokin er gerður samanburður á kröfunum þar sem komist er að niðurstöðu um það hvort munur sé á kröfunum sem gerðar eru til skýrleika þeirra og í hverju hann felist