Tölvur og unglingar : tölvufíkn og áhrif of mikillar tölvunotkunar á heilbrigði og námsárangur unglinga

Markmið þessa lokaverkefnis var að kanna tölvufíkn á meðal unglinga og áhrif mikillar tölvunotkunar á heilbrigði unglinga og námsárangur. Meðal þess sem var rannsakað var tölvufíkn almennt og áhrif tölvunotkunar á líkamlegt ástand og heilbrigði. Þá voru rannsökuð áhrif tölvunnar á svefnvenjur unglinga ásamt áhrifum tölvunotkunar á námsárangur. Við veltum fyrir okkur eftirfarandi spurningum: Eru unglingar á Íslandi haldnir tölvufíkn? Hvaða áhrif hefur of mikil tölvunotkun á heilbrigði og námsárangur unglinga? Einnig var rannsakað hvort munur væri á fyrrgreindum þáttum milli kynja. Rannsóknargagna var aflað með megindlegum rannsóknaraðferðum en spurningalisti var lagður fyrir 119 unglinga á aldrinum 14–16 ára, 60 stráka og 59 stelpur. Helstu niðurstöður voru að stór hluti unglinga eyðir töluverðum tíma í tölvunni, tölvunotkun hefur áhrif á heilbrigði unglinga, hreyfingu og svefnvenjur. Einnig hefur tölvunotkun dregið úr námsárangri hjá stórum hluta unglinga og haft áhrif á það hvort þeir ljúki heimalærdómi