Umhverfisbreytingar á norðurslóðum: Ógnir eða tækifæri fyrir Ísland?

Undanfarin ár hefur vægi norðurslóða aukist í alþjóðlegri umræðu samfara þeim umhverfisbreytingum sem eiga sér stað í heiminum. Íslensk umræða er þar engin undantekning og er einkum einblínt á tækifærin sem geta fylgt í kjölfar breytinganna fyrir Ísland. Þær ógnir sem kunna að skapast í kjölfarið eru því jafnan á undanhaldi þegar fjallað er um hagsmuni Íslands á norðurslóðum. Helsta markmið þessarar ritgerðar er að skoða umhverfisbreytingar á norðurslóðum út frá sjónarhorni Íslands. Stuðst var við hvers kyns ritaðar heimildir. Skrif og greiningar fræðimanna á viðfangsefninu voru skoðaðar sem og fjölmiðlar og opinberar skýrslur. Rannsóknarspurningin sem leitast er við að svara er hvort umhverfisbreytingar á norðurslóðum séu ógnir eða tækifæri fyrir Ísland. Að auki verður fjallað um kenningalegan bakgrunn efnisins, hefðbundnar og óhefðbundnar kenningar, með sérstakri áherslu á grænar kenningar sem flokkast undir þær síðari. Kenningarnar hjálpa svo til við að varpa ljósi á þau tækifæri og þær ógnir sem kunna að skapast fyrir Ísland í kjölfar breytinganna. Helstu niðurstöður ritgerðarinnar sýna að Ísland á mikilla hagsmuna að gæta hvað umhverfisbreytingar á norðurslóðum varðar, þeim fylgja bæði ógnir og tækifæri. Þá eru þær ógnir sem kunna að skapast talsvert stærri en umræðan hér á landi hefur gefið til kynna hingað til. Um leið og ný tækifæri skapast í kjölfar breytinganna fylgja ýmsar ógnir fyrir umhverfið sem bregðast þarf við