Námstækni í hljóðfæranámi : árangursrík vinnubrögð og aðferðafræði fyrir hljóðfæranemendur

Tilgangur þessarar ritgerðar er sá að skilgreina nánar námstækni sem skilar mestum árangri fyrir hljóðfæranemendur. Stuðst er við greinar, rannsóknir og viðtöl við þrjá íslenska hljóðfæraleikara sem eru afreksmenn í sínu námi og starfi. Í upphafi ritgerðarinnar verður fjallað um algeng viðhorf sem fela í sér þá trú að hæfileikar séu meðfæddir. Síðan verður fjallað um það mikilvægi sem regluleg æfing hefur ef árangur á að nást í hljóðfæraleik. Mismunandi æfingaaðferðir verða útlistaðar en þessar aðferðir eru samkvæmt fjölda rannsókna þær sem skila mestum árangri. Góða námstækni á sviði hljóðfæraleiks er því hægt að skilgreina sem notkun á þessum heillavænlegu æfingaaðferðum. Innskot frá viðmælendum mínum eru auk þess regluleg en viðtölin í heild má finna í viðauka í lok ritgerðar