Þá og nú : greinargerð með verkefnasafni fyrir Byggðasafn Vestfjarða

Þessi greinargerð ásamt verkefnasafni okkar er lokaverkefni til B.Ed.-prófs í grunnskólakennarafræðum við Menntavísindasvið Háskóla Íslands. Verkefnið skiptist í tvo hluta annars vegar greinargerð og hins vegar verkefnasafn sem ætlað er að vinna í tengslum við Byggðasafn Vestfjarða. Í greinargerðinni skilgreinum við hugtökin safna- og vettvangskennsla, fjöllum um valdar námskenningar tengdum samþættingu og þemanámi á borð við könnunaraðferðina. Einnig greinum við frá samþættingu, þemanámi og safnakennslu. Markmiðið með greinargerðinni okkar er að skoða kosti og galla ýmissa námskenninga, safnakennslu, þemanáms og samþættingu og tengja það við verkefnasafnið. Í verkefnasafninu setjum við fram hugmyndir að þemaverkefni tengdu Byggðasafninu sem hægt verður að vinna áður en á safnið er farið, vinna á safninu og eftir að heimsókn lýkur. Helstu niðurstöður okkar eru þær að í kennslu er fjölbreytni mikilvæg og það að færa kennsluna út fyrir veggi skólans eykur á fjölbreytileika kennslunnar og nemendur kynnast því betur hvað samfélagið hefur upp á að bjóða