Strúktúr í arkitektúr

Í þessari ritgerð er samspil arkitektúrs og strúktúrs skoðað og það athugað hvernig samspil þessara þátta hefur breyst í gegnum tíðina. Fyrst er samband arkitektúrs og strúktúrs skoðað út frá hugmyndafræði módernismans og það borið saman við hugmyndir módernistanna um heiðarleika í byggingargerð. Áhrif franska arkitektsins og fræðimannsins Viollet-le-Duc á upphafsmenn módernismans eru skoðuð og einnig hvernig ný byggingarefni, stál og járnbent steypa, höfðu áhrif á þróun og mótun módernismans. Í kjölfarið af því er gerð ítarleg skoðun á Barcelona Pavillion sem Mies van der Rohe teiknaði árið 1929 og strúktúr skálans borin saman við hugmyndafræði módernismans almennt. Í framhaldi af því er samband arkitektúrs og strúktúrs skoðað út frá hugmyndafræði póst-módernismans og þar fjallað stuttlega um afbyggingu eða deconstructionisma í arkitektúr. Loks er gerð ítarleg skoðun á Kunsthal listasafninu í Rotterdam sem hannað var af arkitektinum Rem Koolhaas hjá OMA og strúktúr byggingarinnar settur í samhengi við póst-módernismann og afbyggingu. Í lok ritgerðarinnar er svo samantekt þar sem niðurstöður ritgerðarinnar eru teknar saman og meðhöndlun módernismans og póst-módernismans borin saman