Skilvirkni markaða. Áhrif fregna af WOW air á verð hlutabréfa Icelandair

Í þessari ritgerð verður skoðað hvernig hlutabréfaverð hjá flugfélaginu Icelandair brást við fréttum og tilkynningum um rekstur og umsvif flugfélagsins WOW air með tilliti til kenningarinnar um skilvirkni markaða. Fyrst verður greint frá því hvað felst í kenningunni um skilvirkni markaða og hverjar mismunandi útgáfur hennar eru. Einnig verður fjallað stuttlega um atferlisfjármál þar sem þau taka á þáttum sem fyrrnefnd kenning fjallar ekki um. Þá verður fjallað um flugfélögin tvö og farið yfir uppruna þeirra og hvernig þau hafa þróast í gegnum árin. Einnig er fjallað um þá áhrifaþætti sem flugfélög bæði hérlendis og erlendis þurfa að taka tillit til og hvernig þessir þættir geta haft gríðarleg áhrif á rekstur þeirra. Síðan eru verð hlutabréfa hjá Icelandair skoðuð og reynt að tengja verðbreytingar þeirra við atburði sem tengjast WOW air og var fjallað um í fjölmiðlum og reynt að finna orsakasamband milli atburðanna og verðbreytinganna. Aðferðarfræðin sem notuð er í ritgerðinni er sú að skoða þróun á verði hlutabréfa hjá Icelandair á línuriti, og þar sem miklar verðbreytingar sjást á línuritinu verður reynt að finna orsakasamband á milli verðbreytinganna og atburða sem komið hafa fram í fjölmiðlum um rekstur og umsvif WOW air. Eins verður farið yfir atburði sem tengjast rekstri og umsvifum Icelandair sjálfs sem hafa haft mikil áhrif á verð þeirra