Þjónustugæði í líkamsræktarstöð

Margir fræðimenn hafa sýnt fram á það síðustu áratugi að þjónusta skiptir gríðarlega miklu máli í öllum geirum, sérstaklega þegar fyrirtæki býður einungis upp á óáþreifanlega vöru. Ef þjónustan er vel veitt af hendi eru miklar líkur á því að það færi fyrirtækinu samkeppnisforskot. Þessi ritgerð byrjar á því að kynnt er saga líkamsræktarstöðvar og einkunnarorð hennar. Þar á eftir er gerð fræðileg úttekt á þjónustuhugtakinu, þar sem t.d. hugtökin þjónustugæði, þjónustuvíddir, Gaps líkanið, SERVQUAL og fleiri tengd hugtök eru skilgreind. Að lokum er framkvæmd rannsókn og í lokin er niðurstöðunum gerð góð skil. Notast var við megindlega rannsóknaraðferð í formi spurningakönnunar. Spurningalistinn var byggður upp með SERVQUAL mælitækinu, það er mælitæki sem er vel þekkt innan þjónustugeirans. SERVQUAL mælir fimm víddir þjónustugæða; áreiðanleika, svörun/viðbrögð, traust, hluttekningu og áþreifanleika. Spurningalistinn var sendur á viðskiptavini og fengust alls 183 svör. Niðurstöður sýndu að líkamsræktarstöðin er á réttri braut og þátttakendum fannst heilt á litið þjónustan standast væntingar þeirra og gott betur en það