Hvað gera háskólanemar í frítíma sínum og hvers vegna?

Þetta verkefni er B.A lokapróf fyrir tómstunda og félagsmálafræðibraut við Háskóla Íslands. Kannað var hvað háskólanemar gera í frítíma sínum og hvers vegna. Farið var eftir aðferðum eigindlegra rannsókna og því verkefnið mestmegnis byggt á fræðilegum heimildum og viðtölum sem ég tók við fjóra þátttakendur. Í upphafi ritgerðarinnar er greint frá fræðilegum bakgrunni. Fyrst eru hugtökin tómstundir og frítími skilgreind. Því næst er greint frá kenningum sem skýra hvatir manna. Þá verður streita skilgreind og mikilvægi tómstunda dregið fram sem bjargráð við henni. Helstu niðurstöður voru þær að háskólanemar finna fyrir álagi og streitu. Þeir nota tómstundir í sumum tilvikum sem frí frá daglegu amstri. Þá leiddu niðurstöður í ljós að grunnur að tómstundum er oft lagður í æsku. Samanburður við aðra getur verið hættulegur gagnvart sjálfsmynd einstaklingsins og þátttakendur gerðu sér grein fyrir því. Innihald verkefnisins er gott framlag til áframhaldandi umræðu um geðheilbrigðismál í samfélaginu og styður jafnframt mikilvægi þeirrar rísandi stéttar sem tómstundafræðingar eru