Ferill skattsvikamála hjá skattrannsóknarstjóra ríkisins og meðferð að lokinni rannsókn

Ritgerðin fjallar um feril skattsvikamála hjá embætti skattrannsóknarstjóra ríkisins og meðferð að lokinni rannsókn. Gerð er grein fyrir stofnun embættisins og hlutverki þess. Þá er framkvæmd á þeim helstu brotum sem skattrannsóknarstjóri rannsakar lýst. Fjallað er um uppruna þeirra mála sem skattrannsóknarstjóri rannsakar. Þá er uppruni fullbúinna rannsóknarskýrslna skoðaður á árunum 2010 til og með 2015 en þær upplýsingar eru teknar saman í ársskýrslum sem skattrannsóknarstjóri gefur út að loknu hverju starfsári. Þá er gerð grein fyrir framkvæmd rannsókna hjá skattrannsóknarstjóra, hvað honum ber að upplýsa með rannsókn sinni og hvaða heimildir hann hefur til afla upplýsinga til að varpa ljósi á undanskot og að lokum með hvaða hætti rannsókn lýkur. Er vikið að upplýsingaskyldu skattaðila sem og annarra, sem geta veitt upplýsingar, og heimildum skattrannsóknarstjóra til að krefjast afhendingar gagna. Farið er yfir þær leiðir sem skattrannsóknarstjóri getur farið til að ljúka refsiþætti þeirra mála sem lýkur með skýrslu og skoðað með hvaða hætti það hefur verið gert sbr. upplýsingar úr ársskýrslum embættisins fyrir árin 2010 – 2015. Að lokum eru niðurstöður dregnar saman og ályktað af umfjöllun í ritgerðinni