Virkjum tækifæri : fræðslubæklingur um atvinnu með stuðningi

Fjöldi fatlaðs fólks á Íslandi stendur frammi fyrir því að finna ekki vinnu við hæfi. Atvinnuframboð og fjölbreytni á vinnumarkaði er af skornum skammti. Það sem stendur helst til boða fyrir fatlað fólk á Íslandi eru aðgreind úrræði á borð við hæfingarstöðvar og verndaða vinnustaði. Vinnumálastofnun hefur boðið upp á aðstoð til að auka valkosti fatlaðs fólks á vinnumarkaði. Þjónusta Vinnumálastofnunar kallast Atvinna með stuðningi og snýst um að aðstoða fatlað fólk við að stíga sín fyrstu skref á vinnumarkaði með það að markmiði að verða að lokum sjálfstæðir starfsmenn. Lokaverkefnið skiptist í tvennt. Annars vegar er það bæklingur með það að markmiði að kynna fyrir atvinnurekendum hugmyndafræðina og þjónustuna atvinna með stuðningi. Það er hvað felst í atvinnu með stuðningi, hvert ferlið er, hvers konar stuðning þeir veita og sá ávinningur sem felst í þjónustunni. Væntingar um áhrif bæklingsins er að hvetja atvinnurekendur til að hafa frumkvæði að því að auka atvinnuframboð til fatlaðs fólks og hvaða leiðir þeir geta nýtt sér til þess. Hinn hluti verkefnisins er greinargerð með þeim fræðilega bakgrunni sem bæklingurinn byggir á. Atvinna hefur mikið að segja fyrir sjálfsmynd einstaklings og félagsmótun hans, því skiptir það fatlaða einstaklinga miklu máli að þeir hafi aðgengi að vinnumarkaði án aðgreiningar