Ljóð í leikskólum : vinna með ljóð sem þema

Þessi ritgerð er lokaverkefni til B.Ed. gráðu í kennaradeild við Háskólann á Akureyri. Fjallað er um vinnu með ljóð í leikskólum og leitast við að svara spurningunum: Er hægt að örva alla þroskaþætti barna sem kveðið er á um í Aðalnámskrá leikskóla í vinnu með ljóð? Og skiptir máli hvers konar ljóð það eru? Svarið er játandi. Að mati höfunda þessarar ritgerðar eru ljóð góður kostur til að vinna með í leikskólum og hægt að flétta vinnu með þau þannig að komið er inn á öll námsvið leikskóla og þar með örva alla þroskaþætti barna. Hægt er að notast við hvaða ljóð sem er svo framalega að börn geti tengt efni þess við reynslu sína að einhverju leyti. Í ritgerðinni er farið í stuttu máli yfir sögu barnabóka og ljóða og hvernig barnamenningu var háttað á árum áður. Farið er inn á móðurmálskennslu í leikskólum og sýnt fram á að vinna með ljóð er kjörin leið til að efla málþroska ungra barna. Fjallað er um hlutverk kennara og undirbúning barna fyrir komandi skólagöngu. Þá er fjallað um kenningar nokkra fræðimanna og hvernig þær samræmast markmiðum Aðalnámskrá leikskóla. Í fylgiskjali er Handbók fyrir kennara í leikskólum sem höfundar þessarar ritgerðar hafa útbúið. Þar er komið á framfæri hugmyndum höfunda að verkefnavinnu með þema út frá þremur ljóðum. Með hverju ljóði eru sett eru fram sex verkefni og er vinnan skipulögð út frá öllum námsviðum leikskóla en þau eru: hreyfing, málrækt, tónlist, menning og samfélag, náttúra og umhverfi og myndsköpun