Starfsánægja starfsmanna í útibúum og þjónustuveri Arion Banka hf.

Lokuð til 1.4.2016Markmið verkefnisins var að mæla starfsánægju starfsmanna í útibúum og þjónustuveri Arion banka hf. Lagt var upp með það að svara rannsóknarspurningum sem snúa að starfsánægju starfsmanna og nokkrum þáttum sem mögulega hafa áhrif á hana. Farið verður yfir hugtakið starfsánægja og mikilvægi þess að mæla starfsánægju innan veggja fyrirtækja. Fjallað er um helstu kenningar og mælitæki sem snúa að starfsánægju starfsmanna. Helstu kenningar sem höfundur styður sig við í verkefninu eru kenningar Herzberg, Hackman og Oldham. Einnig er notast við víddir innan EEI mælitækisins. Stuðst er við fyrirmyndir annarra ánægjukannanna, til dæmis við Fyrirtækjakönnun ársins hjá stéttarfélaginu Virðing-Réttlæti (VR). Notast var við megindlega rannsókn í formi spurningakönnunar sem lögð var rafrænt fyrir allt þýðið. Öllum rannsóknarspurningum var svarað í rannsókn þessari og styðjast niðurstöður þeirra við helstu kenningar og mælitæki sem notast var við