Hönnun á búnaði fyrir fljótandi nálar í sprautusöltunarvél

Sprautusöltunarvél sem staðsett er í Hafnafirði er þannig búin að nálarnar í henni gefa ekkert eftir og bogna/kikna ef þær verða fyrir mótstöðu. Þetta orsakast af því að krafturinn vegna þrýstingsins á saltvatninu sem dælist í gegnum nálina er stærri en krafturinn sem þarf til þess að nálin kikni. Verkefnið mun ganga út á að finna lausn við þessu vandamáli. Markmið verkefnisins er að hanna búnað sem gerir nálunum kleift að gefa eftir ef þær verða fyrir mótstöðu. Lausnin á þessu vandamáli var að hleypa þrýsting neðan á nálarnar og þar með létta á kraftinum sem verkar ofan á þær. Markmiðið með þessari hugmynd er að geta stillt við hversu mikinn kraft nálin gefur eftir. Þessi búnaður var hannaður, prófaður og fenginn til að virka eins og lagt var upp með