Þjálfun hljóðkerfis- og málvitundar barna við lok leikskóla : greinargerð með verkefnaheftum

Greinargerð þessi er skrifuð út frá fræðilega hluta verkefnahefta sem ætluð eru foreldrum elstu barna á leikskóla. Heftin útbjuggum við með það í huga að auðvelda foreldrum að vinna með barni sem hefur hlotið slaka niðurstöðu úr einhverjum af þeim sjö þáttum sem prófaðir eru í HLJÓM-2 við lok leikskólagöngu. Hugmyndina fengum við eftir að hafa gert rannsókn í aðferðafræði sem sneri að því að athuga hvort grunnskólakennarar í tilteknum skóla á Suðurnesjum ynnu markvisst með niðurstöður HLJÓM-2 prófanna. Einnig tókum við stutt viðtöl við foreldra til að athuga þekkingu þeirra á gildi HLJÓM-2. Komumst við að því að ekki var unnið með nemendur út frá niðurstöðum úr HLJÓM-2 að öðru leiti en því að þær voru notaðar til þess að hafa jafna getuskiptingu í bekkjum. Í viðtölum við foreldra kom í ljós að langflestir gerðu sér ekki grein fyrir hvað HLJÓM-2 er eða hvað forspárgildi niðurstaðna hefur á námsárangur nemenda síðar á grunnskólagöngunni. Niðurstöður þessarar rannsóknar kveiktu hjá okkar áhuga á að útbúa hefti sem auðvelda foreldrum að vinna með barni sínu og er markmiðið að hafa þau einföld og á máli sem er ekki of fræðilegt. Vonumst við til þess að foreldrar geti nýtt sér heftin við að aðstoða barnið við að ná upp betri færni í þeim þáttum sem komu slakir út hjá þeim í HLJÓM-2