Mikilvægi menningarhátíðar á Austurlandi – menningartengsl þjóða í gegnum viðburðarferðamennsku. Dæmi frá Frönskum dögum á Fáskrúðsfirði

Bæjarhátíðin Franskir dagar á Fáskrúðsfirði er haldin í lok júlí mánaðar á hverju ári. Um er að ræða bæjarhátíð sem var búin til af heimamönnum í þeim tilgangi að varðveita söguleg tengsl við Frakka. Það hefur hins vegar sýnt sig að það er mjög á reiki hvert hlutverk hátíðarinnar er en svo virðist sem að hún sé fyrst og fremst haldin til þess að skemmta heimamönnum og brottfluttum Fáskrúðsfirðingum. Í þessari ritgerð er skoðað hvort að það sé grundvöllur fyrir því að breyta þessari bæjarhátíð í menningarhátíð sem yrði liður í því að efla staðarímynd Fáskrúðsfjarðar. Fáskrúðsfjörður hefur verið að vinna að því að mynda sér sérstöðu í ferðaþjónustu sem Franski bærinn á Íslandi