Ábyrg neysla í hlýnandi heimi : kennsluspil fyrir nemendur í umhverfisfræðum

Greinargerð þessi fylgir með spilinu Ábyrg neysla í hlýnandi heimi og í henni eru borin rök fyrir því hvers vegna spilið var búið til fyrir það fyrsta. Mikill skortur er á íslensku námsefni sem fjallar um ábyrga neyslu og úr varð kennsluspilið sem hér um ræðir. Spilinu er ætlað að vekja nemendur til umhugsunar um sína eigin neysluhegðun og hvað mætti betur fara í eigin neysluvenjum. Farið var yfir íslenskt kennsluefni fyrir grunnskóla á bókasafni Stakkahlíðar og á vefnum Leitir.is í leit að námsefni sem fjallar um umhverfismennt eða ábyrga neyslu og var þar lítið sem ekkert að finna. Ef aðalnámskrá grunnskóla er skoðuð er ljóst að í henni er ætlast til að nemendur læri að taka ábyrgð á eigin umhverfi og áhrifum á umhverfi sitt en kennsluefni skortir um slík efni. Í greinargerðinni er farið yfir grænfánaverkefni Landverndar sem eru fremst á landinu í umhverfisfræðslu og sjálfbærni og einnig hvernig námsspil- og leikir eiga erindi sem kennsluaðferð fyrir bæði börn og unglinga