The effect of speaking rate on the perception of voice-onset time in icelandic

Í þessari rannsókn voru áhrif talhraða á skynjun aðröddunartíma í íslensku skoðuð. Aðröddunartími er hljóðkenni lokhljóða, ef hann er stuttur skynjar hlustandi t.d. [k] en eftir því sem hann lengist er líklegra að [kʰ] sé skynjað. Kannað var hvernig fónemamörk [k] og [kʰ] færðust til eftir því sem raunlengd áreitis styttist (sem endurspeglar aukinn talhraða). Framkvæmdar voru tvær tilraunir. Þátttakendur hvorrar tilraunar voru 18 á aldrinum 20-66 ára. Í fyrri tilraun voru áreitin eins atkvæða og í þeirri seinni tvíkvæða. Eftir því sem raunlengd áreitis styttist lækkuðu skynmörk. Tilfærslur skynmarka voru almennt litlar en þó aðeins meiri í seinni tilraun. Þessar niðurstöður eru í samræmi við fyrri niðurstöður Jörgens Pind. Áhrif talhraða á aðröddunartíma finnast í íslensku en teljast þó ekki mikil