Notkun afleiða í áhættustýringu Össurar

Áhættustýring fyrirtækja er einn mikilvægasti þáttur í rekstri þeirra. Ef illa er staðið að áhættustýringu getur fyrirtæki lent í ógöngum sem í slæmum tilfellum getur leitt til galdþrots. Sá áhættuþáttur, sem einna helst greinir fyrirtæki í alþjóðlegum rekstri frá fyrirtækjum í innlendum rekstri, er gjaldeyrisáhætta þar sem gengismunur getur haft mikil áhrif á rekstur fyrirtækis. Viðfangsefni ritgerðarinnar er afleiðunotkun í áhættustýringu Össurar sem snýr að gjaldeyri en fyrirtækið nýtir sér ekki afleiður til að verjast gjaldeyrisáhættu í núverandi rekstri. Til að nálgast viðfangsefnið á skipulegan hátt er farið yfir hvert markmið áhættustýringar er, helstu tegundir afleiða skoðaðar og hvernig núverandi áhættustýringu hjá Össuri er hagað. Að lokum er fræðilegur afrakstur afleiðunotkunar á gjaldeyrisjöfnuð Össurar á árunum 2011-2014 kannaður og gerð er spá fyrir árið 2015. Niðurstöður eru þær að Össur ætti að íhuga að nota afleiður á ný í áhættustýringu sinni á gjaldeyrisáhættu