Samkeppni á bílaleigumarkaði: Markaðsgreining

Mikill vöxtur hefur átt sér stað í íslenskri ferðaþjónustu síðastliðin ár og er útlit fyrir enn frekari aukningu á næstu árum. Fyrirtækjum á sviði ferðaþjónustu og greina sem tengjast henni fjölgar óðum en bílaleigur, hótel, veitingastaðir og afþreyingarfyrirtæki spretta nú upp á hverju horni. Það er mikilvægt fyrir fyrirtæki á vaxandi markaði að vera meðvituð um umhverfi sitt og halda í við þróun á markaðnum. Meginmarkmið rannsóknarinnar er að skoða samkeppnisumhverfið nær og fjær og greina markaðinn út frá markaðsgreiningartólunum, fimm krafta líkani Porter, PEST greiningu og SVÓT greiningu ásamt því að velta upp almennum spurningum til að ná dýpri skilning á viðfangsefninu. Rannsóknaspurningin sem leitast er við að svara í ritgerðinni er: Hefur samkeppni aukist á markaðnum og í hverju felst sú samkeppni? Í ritgerðinni verður byrjað á því að fara almennt yfir það hvað bílaleigur eru og hvað felst í slíkum rekstri en einnig verður farið yfir lög og reglugerðir er varða rekstur þeirra. Því næst er farið yfir þróun atvinnugreinarinnar síðastliðin ár, aukningu umsvifa og breytingar í samkeppnisumhverfinu. Næst kemur fræðilegur hluti ritgerðarinnar þar sem farið er yfir þau greiningartól sem notuð voru við rannsóknina og aðferð. Í seinni hluta ritgerðarinnar verður gerð grein fyrir aðferðafræði rannsóknarinnar, viðtölum, framkvæmd og niðurstöðum hennar. Vegna aukinna umsvifa telur höfundur mikilvægt að fyrirtæki þekki vel það umhverfi sem þau starfa í nær og fjær. Notast var við eigindlega rannsóknaraðferð í formi viðtala. Tekin voru viðtöl við fjóra aðila sem starfa í greininni, hafa þekkingu á rekstrarumhverfinu og gátu veitt höfundi innsýn. Niðurstöður rannsóknar voru þær að samkeppni í greininni hefur aukist mikið seinustu ár