Aldraðir sem búa einir

Markmiðið með þessari ritgerð er að kanna viðhorf og aðstæður aldraðra einstaklinga sem búa einir og hvernig séð er fyrir þörfum þeirra fyrir aðstoð. Í ritgerðinni verður leitast við að svara því hverjir aðstoða aldraða sem búa einir, hversu ánægðir þeir eru með lífið og hvort þeir telja sig vera einmana. Eftirfarandi rannsóknarspurningar voru settar fram – hver hjálpar öldruðum mest sem búa einir? Telja aldraðir sem búa einir sig vera einmana. Hversu ánægðir eða óánægðir eru aldraðir almennt með lífið. Hvernig er heilsufar aldraðra sem búa einir. Til samanburðar eru skoðaðar rannsóknir sem hafa verið gerðar á öldruðum einstaklingum, sem búa einir. Unnið er með gögn úr spurningalistakönnuninni ICEOLD sem var gerð árið 2008. Rannsóknin er megindleg og var úrtakið 1189 einstaklingar 65 ára og eldri, búsettir á Íslandi. Svarhlutfallið var 65,8% og þar af voru 368 aldraðir einstaklingar sem búa einir. Helstu niðurstöður í rannsókninni eru þær að aldraðir einstaklingar sem búa einir fá mestu aðstoðina frá dætrum sem ekki búa á heimilinu. Aldraðir einstaklingar eru amennt ánægðir með lífið, sjaldan einmana og búa við góða heilsu