Er tungumál hugsunarinnar einkamál? Hugleiðingar um möguleikanna á innra tungumáli

Í þessari ritgerð verða kynntar tvær hugmyndir heimspekinnar um innra tungumál. Annars vegar tilgátan um tungumál hugsunarinnar, eins og hún var sett fram af bandaríska heimspekingnum Jerry Fodor í bókinni Tungumál hugsunarinnar árið 1975. Hins vegar er um að ræða þann hluta af Rannsóknum í heimspeki eftir Ludwig Wittgenstein sem snýst um möguleikann á einkamáli, stundum kallaður „einkamálsrökin“. Við fyrstu sýn gætu hugmyndirnar virst svipa hvor til annarrar þar sem báðar snúast um að hugsun fari fram á innra tungumáli. Þegar betur er að gáð verður munurinn þó greinilegri og ýmis atriði skjóta upp kollinum sem nauðsynlegt er að skoða nánar. Það er því áhugavert verkefni að bera þær saman, sjá hvað þær eiga sameiginlegt og hvers vegna ágreiningur kemur upp. Næsta hluta ritgerðinnar er varið í þetta. Að lokum er umræðan dregin saman og reynt að komast til botns í því hvort kenningarnar snúist um sama hlutinn. Er tungumál hugsunarinnar einkamál? Ég mun bjóða upp á eina lausn á vandamálinu með ákveðinni túlkun á hugsanamáli Fodors