Áhrif ólíkra stjórnunaraðferða á starfsfólk: Þróun og breytingar á stjórnunarháttum, stjórnskipulagi og starfsumhverfi innan fyrirtækja

Þessi heimildaritgerð er 12 eininga BA-lokaverkefni mitt í Félags- og atvinnulífsfræði við Háskóla Íslands. Stjórnunarhættir, stjórnskipulag og hlutverk stjórnenda geta verið með margvíslegum hætti og árangurinn getur verið af misjöfnum toga. Því er mikilvægt að stjórnendur skipulagsheilda tileinki sér þá stjórnunarhætti sem hafa í gegnum tíðina leitt af sér arðbæran rekstur og starfsánægju meðal starfsfólks. Greint verður frá þróun og breytingum á stjórnunarháttum og hvernig árangur þeirra hefur verið til dagsins í dag. Fjallað verður um starf og hlutverk stjórnandans og mat á árangri starfsmanna. Einnig verður fjallað um hvernig þróanir og breytingar hafa verið á stjórnskipulagi innan fyrirtækja, sem getur haft mikil áhrif á hvernig starfsemi, valddreifingu og eftirliti er háttað. Stjórnunarhættir og stjórnskipulag móta vinnuumhverfið, skapa upplýsingaflæði og gegna mikilvægu hlutverki í að tryggja starfsánægju meðal starfsfólks. Þar sem breytingar á skipulagi vinnunnar hafa verið miklar síðustu áratugi vegna aukins sveigjanleika sem hefur rutt sér rúms með tilkomu upplýsingatækni í störfum og vinnuumhverfinu, er áhugavert að skoða hver áhrif breytinganna eru á atvinnuöryggi starfsfólks. Aukinn sveigjanleiki á síðastliðnum árum hefur bæði haft jákvæð og neikvæð áhrif á störf og vinnuumhverfi og meðal annars aukið atvinnuóöryggi starfsfólks