Viðhorf stjórnenda til straumlínustjórnunar

Skilgreining á hugtakinu straumlínustjórnun gengur út að verið sé að auka virði fyrir viðskiptavininn með lágmarkskostnaði. Til að ná markmiðinu þurfa fyrirtæki og stofnanir að gera sér grein fyrir því að auka þarf flæði vörunnar og/eða þjónustunnar í gegnum alla virðiskeðjuna. Koma þarf í veg fyrir alla sóun sem á sér stað í ferlinu, frá upphafi til enda þar sem ekki er nægilegt að eyða henni einungis á einangruðum svæðum. Því er mikilvægt að búa til ferla sem krefjast minna handafls, minna pláss, minna fjár, valda síður mistökum eða göllum og krefjast styttri tíma við afgreiðslu á vöru og/eða þjónustu. Með notkun á straumlínustjórnun myndast önnur nálgun á það hver vinnuafköst eru þar sem þetta er fjölbreytt og margbrotið ferðalag í áttina að bættum rekstri og því ekki einungis ferli. Hægt er að nota straumlínustjórnun í hvaða starfsemi sem er og með því að innleiða aðferðafræðina hefst ný og stefnumörkuð vinna. Markmið rannsóknar er að kanna viðhorf stjórnenda til straumlínustjórnunar og reynt að svara rannsóknarspurningunni: Upplifa stjórnendur að þeir hafi fengið fullnægjandi fræðslu og þjálfun í aðferðafræði straumlínustjórnunar? Er innleiðing aðferðafræði straumlínustjórnunar að skila árangri að mati stjórnenda? Rannsóknin byggir á megindlegum aðferðum þar sem unninn var spurningalisti sem innihélt 18 spurningar og var hann lagður fyrir alla 169 stjórnendur. Helstu niðurstöður rannsóknarinnar eru þær að vel er staðið að fræðslu til stjórnenda en bæta þarf verklega þjálfun. Vel hefur tekist að kynna tilgang og framtíðarsýn með innleiðingunni og gegnum gangandi telja stjórnendur að innleiðingin sé að skila árangri tilætluðum árangri