Tilviksgreining á stefnumótunarferli

Stefnumótun og verkefnastjórnun eru fræði sem flest allir er starfa við stjórnun hafa kynnt sér og jafnvel numið. Mótun, innleiðing og framkvæmd stefnu er mikilvægur þáttur í starfsemi hverrar skipuheildar. Aðferðir til þess að ná fram stefnu eru hins vegar mismunandi og val aðferða er mat stjórnenda hverju sinni. Stjórnendur hafa almennt verið duglegir að leita ráða hjá utanaðkomandi ráðgjöfum til þess að ráðast í slíka vinnu og jafnvel ráðið inn í skipuheildir sínar sérfræðinga með þekkingu og reynslu úr fræðunum. Umhverfið hefur gert sífellt sterkari kröfu um faglega stjórnunarhætti undanfarin ár og er þessi nálgun á mótun stefnu liður í því. Verkefnastjórnun er fræðigrein sem er ung og hafa aðferðir fagsins komið af miklum þunga inn í íslenskt atvinnulíf undanfarin ár. Nálganir við beitingu verkefnastjórnunarfræðanna eru margar og mismunandi flóknar. Fagið býður upp á það að hægt er að nýta sér þau tól sem henta best hverju sinni, óháð aðferð við stýringu verkefna. Verkefnastjórnun og stefnumótun geta verið öflug tól ef þeim er beitt saman og ef þau eru notuð til þess að styðja hvort annað. Umfjöllunarefni þessarar greinar er tilvik sem greint verður út frá stefnumótunar- og verkefnastjórnunarfræðunum. Markmiðið er að kanna að hvaða leyti faglegum aðferðum verkefnastjórnunar og stefnumótunar var beitt við mótun stefnu á Veðurstofu Íslands. Tölulegar niðurstöður gefa til kynna að hvaða leyti fræðilegum aðferðum var beitt