Does the town of Þórshöfn have the right of regional fishing quotas? : Review of act provisions nr. 10. of regional fishing quotas according to law of fishing management nr. 116/2006.

Þessi ritgerð er á sviði stjórnsýsluréttar og er lögmætisreglan sú réttarheimild sem að endingu skiptir meginmáli við að svara rannsóknarspurningunni. Byggðakvótaákvæði 10. gr. laga um stjórn fiskveiða nr. 116/2006 er rauði þráðurinn í þessari ritgerð, reglugerðir og álit umboðsmanns Alþingis þar að lútandi og samdráttur í skelvinnslu á Þórshöfn, nánar tiltekið kúffiskvinnslu. Það hefur enginn hæstaréttardómur fallið um byggðakvótamálefni en álit umboðsmanns Alþingis eru fjölmörg. Skorti á hæstaréttardómum er mætt með ítarlegri umfjöllunum um veiðileyfadóminn og Vatneyrardóminn til nánari útskýringa á lögum um stjórn fiskveiða nr. 38/1990 og 116/2006. Farið var í tilurð kvótakerfisins í ritgerðinni og útskýrðir helstu þættir þess með sérstaka áherslu á byggðakvótann og áhrif Veiðileyfadómsins og Vatneyrardómsins á þróun kvótakerfisins. Auk þess var farið yfir svokallað Fagramúlamál en það er þekktast fyrir að hafa verið kært til Mannréttindanefndar Sameinuðu þjóðanna. Byggðakvótaúthlutun Stykkishólms á grundvelli samdráttar í skelvinnslu var skoðuð og borin saman við aðstæður á Þórshöfn og eftir að ábendingarbréf umboðsmanns Alþingis til sjávarútvegs- og landbúnaðarráðherra var greint má segja að niðurstaðan er líklega sú að Þórshöfn á rétt á byggðakvótaúthlutun á grundvelli samdráttar í skelvinnslu eða kúfskel í þess tilfelli