Kvenlíkaminn í listasögunni. Fórnarlamb karllægra gilda?

Eftirfarandi ritgerð er lokaverkefni til B.A. prófs í listfræði við Háskóla Íslands. Í ritgerðinni er fjallað um sögu erótíkur og kláms í listum, skilgreiningar á klámi og áhrif þess á samfélagið sem og femínísk viðbrögð við hlutgervingu kvenlíkamans í listum. Ritgerðin hefst á almennri umfjöllun um klám og skilgreiningar á því. Einnig verður gerð grein fyrir nokkrum rannsóknum sem hafa verið gerðar um áhrif kláms. Því næst verður fjallað um erótík í listasögunni, frá upphafi til okkar daga, þar verður farið í gegnum tímabil grískra og rómverskra lista, endurreisnarinnar, impressjónisma, expressjónisma, kúbisma og til listamanna samtímans. Að lokum er rætt um ímynd kvenna, karlmennsku og vald og andsvör femínískra listakvenna í samtímanum