Greining á innra eftirliti bókhaldsdeildar Heilsugæslu höfuðborgarsvæðisins

Markmið ritgerðarinnar var að kanna hvort innra eftirlit bókhaldsdeildar Heilsugæslu höfuðborgarsvæðisins væri nægjanlegt og hvort hægt væri að bæta þær eftirlitsaðgerðir sem bókhaldsdeildin notast við í dag. COSO skýrslan og skýrslur frá Ríkisendurskoðun voru mikið notaðar við gerð ritgerðarinnar ásamt öðrum heimildum. Lögð var könnun fyrir alla starfsmenn bókhaldsdeildar Heilsugæslu höfuðborgarsvæðisins þar sem þeir voru spurðir ýmissa spurninga er varða innra eftirliti deildarinnar. Niðurstöður rannsóknarinnar leiddu í ljós að skráning verklagsreglna og ferlalýsinga er ábótavant hjá bókhaldsdeildinni. Þörf er að skrá fleiri verklagsreglur og ferlalýsingar. Auk þess kom í ljós í rannsókninni að misbrestur er í aðgangsheimildum starfsmanna og á það við þegar starfsmenn taka til starfa, hætta störfum eða flytjast til í starfi. Einnig leiddi rannsóknin í ljós að þörf er á úrbótum í samþykktarferli reikninga og beiðna