Leikur verður að stærðfræðinámi og stærðfræðinám að leik : hvernig má nota einingakubba til að efla skilning leikskólabarna á stærðfræði?

Í þessari ritgerð er skoðað hvernig nota megi einingakubba sem undirbúning fyrir stærðfræðinám leikskólabarna. Í ritgerðinni er það haft að leiðarljósi að einingakubbar geta byggt upp rúmfræðihugsun barna. Einnig er sýnt fram á hvernig efla megi stærðfræðinám barna með því að nota einingakubba í leikskólum. Skoðað er hvað felst í námi og menntun leikskólabarna. Einnig er fjallað um hvernig leikurinn nýtist sem námsleið og hlutverk kennarans og áhrif hans á nám barna. Komið er inn á þá þætti sem kennari ætti að hafa í huga er varðar skoðanir hans og framkomu. Fjallað er um námsumhverfi barna og mikilvægi þess að kennari þekki og hafi áhuga á þeim efnivið sem unnið er með. Einnig er komið inn á nauðsyn þess að vekja upp forvitni og rannsóknarlöngun barna. Sýn Caroline Pratt, hönnuð einingakubbanna og fræðimansins John Dewey um menntun barna er skoðuð og einnig hvaða sýn þau höfðu á hlutverk kennara. Fjallað er um einingakubbana, allt frá þeim náms- og þroskaþáttum sem þeir snerta, hvernig stigskipting í kubbabyggingum birtist og að síðustu er skoðaðir þeir þættir stærðfræðinnar sem einingakubbar koma inn á. Niðurstaða ritgerðatvinnunar er að nota megi einingakubba til að efla stærðfræðiskilning leikskólabarna og er það gert í gegnum leikinn. Í leiknum verður leikur að stærðfræðinámi og stærðfræðinám að leik